Tarombo ni Sipahutar

Nungga be nisurathon muse Tarombo ni hita pomparan ni Raja Sipahutar ,alai holan sian horong ni pomparan ni Op. Sahata dope di surat hami dison na agak lengkap siala hurang dope parbinotoan ni panurat taringot tu sude goar dohot urutan ni angka goar-goar ni pomparan ni Oppui, mansai arap situtu do roha nami (namanurathon) adong nian sian dongan tubu nami pomparan ni oppui naolo maniroi hami asa boi nisurathon lengkap Tarombo ni pomparan ni Oppu Raja Mata Sopiak Langit.

Santabi ma di dongan tubu dohon disude hamu natua-tua nami pomparan ni Oppui , molo tung adong nahurang lobi di panurathon ni Goar dohot gelar ni pomparan ni oppu i,  tar songon on ma natarpatupahami saonari tuari namangihut muse dengan do hita masipaboan molo tung adong nasala , jala rade do hami padengganhon, mauliate

TAROMBOKU

Ompunami ima namargelar :

Mata Sopiak Langit – Raja Sipahutar/Giring Panaitan br. Hasibuan

Anakna 3 (Tolu)

1. Hutabalian (Dang marpinompar diuhum amangna, diullus tu dolok Simanuk-manuk)

2. Namora Sohataon (Onma na mamboan marga Sipahutar)

3. Daulae (Onma namboan marga Daulae, borhat maserak tu Mandailing dohot Sipirok)